"... İşğal olunmuş bütün rayonlardan didərgin düşmüş, indi qaçqın vəziyyətində, köçkün vəziyyətində yaşayan vətəndaşların problemləri bizim üçün və şəxsən mənim üçün bir nömrəli problemdir".
XƏBƏRLƏR
Çap et 895
Tehranda İran ilə Azərbaycanın əməkdaşlıq əlaqələrinin perspektivləri müzakirə edilib
Mətbuat xidmətinin məlumatı 26 Noyabr, 2014
Noyabrın 25-də Azərbaycan Respublikası Baş nazirinin müavini Əli Həsənov İran İslam Respublikasına səfəri çərçivəsində İran ilə Azərbaycan arasında iqtisadi, ticarət və humanitar sahələrdə əməkdaşlıq üzrə Dövlət Komissiyasının həmsədri, rabitə və informasiya texnologiyaları naziri Mahmud Vaizi ilə görüşüb. Görüşdə qarşılıqlı faydalı əməkdaşlıq əlaqələrinin daha da genişləndirilməsi, ölkələrimiz arasındakı ticarət dövriyyəsinin əsaslı şəkildə artırılması, viza, gömrük sisteminin sadələşdirilməsi və digər məsələlər ətrafında geniş fikir mübadiləsi aparılıb. Mahmud Vaizi Azərbaycana səfərlərini, ulu öndər Heydər Əliyev və Prezident İlham Əliyevlə görüşlərini məmnunluqla xatırlayaraq, son 10 ildə ölkəmizin, xüsusilə paytaxt Bakının çox sürətlə inkişaf etdiyini vurğulayıb. Azərbaycan xalqının Ümummilli Liderinin xatirəsini ehtiramla yad etdiyinə görə Mahmud Vaiziyə təşəkkür edən Əli Həsənov dedi ki, Heydər Əliyev 1990-cı illərdə İran ilə yaxın və səmimi dostluq əlaqələri qurub, bu əlaqələr hər iki dövlətin qarşılıqlı əməkdaşlığını təmin edib. Ulu öndər Heydər Əliyevin qurub yaratdığı müasir müstəqil Azərbaycan dövləti sülh siyasəti yürüdərək digər xalqlar və dövlətlərlə yaxın əməkdaşlıq əlaqələri qurub. Azərbaycan İranı özünün yaxın dostu hesab edir və bütün sahələrdə münasibətlərin yüksələn xətlə inkişaf etməsinə çalışır. Baş nazirin müavini bu günlərdə İranın Prezidenti Həsən Ruhaninin Azərbaycana rəsmi səfəri zamanı söylədiyi “Azərbaycan və İran xalqlarının tarixi əlaqələri böyük bir ağacın kökləri kimi dərinliklərə gedib çıxır və bunu qoparmaq mümkün deyil” fikrini xatırladaraq, diqqətə çatdırdı ki, qarşılıqlı səfərlər artdıqca ortaya çıxan problemlər də həllini tapır və əlaqələrimiz daha da yaxşılaşır. Dövlət Komissiyasının fəaliyyətini yüksək qiymətləndirən Əli Həsənov hələ 2002-ci ildə İrana səfəri zamanı bu komissiyanın sabiq rəhbəri ilə görüşdüyünü və onunla olduqca vacib məsələlərin müzakirə edildiyini bildirdi. Vurğulandı ki, İran-İraq müharibəsi dövründə İran da qaçqınlar problemi ilə qarşılaşıb. Ona görə də İranın qaçqınlarla iş üzrə böyük təcrübəsi var və bu sahədə təcrübə mübadiləsinin aparılması faydalı olar. Əli Həsənov müştərək komissiyada humanitar sahədə, həmçinin narkotik vasitələrin qanunsuz dövriyyəsinin qarşısının alınması istiqamətində də yaxından əməkdaşlığın zəruriliyini bildirdi, bu iki məsələnin komissiyada müzakirəsini təklif etdi. Qeyd olundu ki, Ordubad-Marazad və Xudafərində “Qız Qalası” su elektrik stansiyalarının tikintisinin davam etdirilməsi də zəruridir. Vurğulandı ki, ölkələrimiz arasında ticarət dövriyyəsinin 500 milyon dollar həcmində olması qənaətbəxş deyil. Həm Azərbaycanın, həm də İranın iqtisadi və istehsal potensialı ölkələr arasındakı ticarət dövriyyəsinin həcminin dəfələrlə yüksəldilməsinə imkan verir. Tərəflər bu imkandan maksimum istifadə edərək dövriyyənin artırılmasına çalışmalıdırlar. Azərbaycanın inkişaf istiqamətləri haqqında məlumat verən Əli Həsənov diqqətə çatdırdı ki, Prezident İlham Əliyev 5 istiqamət üzrə inkişaf strategiyası müəyyənləşdirib. Birincisi, dövlət büdcəsinin neftdən asılılığını sıfıra endirməkdir. Bu sahədə artıq bir çox işlər görülüb və ümumi daxili məhsulun 50 faizdən çoxu qeyri-neft sektorunun payına düşür. İkincisi, 2020-ci ilə qədər Azərbaycanda bir nəfər də olsun yoxsul olmamalıdır. Həyata keçirilən tədbirlərin nəticəsində bu gün Azərbaycanda yoxsulluğun səviyyəsi cəmi 5 faiz təşkil edir. Üçüncüsü, 2020-ci ilədək Azərbaycan inkişaf edən ölkədən inkişaf etmiş ölkəyə çevrilməlidir. Azərbaycanın sosial-iqtisadi inkişaf tempi bu planın reallaşmasını şərtləndirib. Dördüncüsü, Azərbaycanda korrupsiya ilə mübarizə daha da gücləndiriləcək və bu sosial bəla birdəfəlik aradan qaldırılacaq. Beşincisi, Azərbaycanda insan hüquqlarının qorunması istiqamətində səylər daha da artırılacaq. Əli Həsənov bu istiqamətləri sadalayaraq bildirdi ki, hər bir istiqamət üzrə konkret dövlət proqramları işlənib hazırlanıb və icra olunmaqdadır. Əli Həsənov Mahmud Vaizini Azərbaycana səfərə dəvət etdi. Səmimi söhbətə görə təşəkkürünü bildirən Mahmud Vaizi qeyd etdi ki, İranın və Azərbaycanın prezidentləri cari ildə müxtəlif dövlətlərdə 4 dəfə görüşərək ölkələrimiz arasındakı dostluq əlaqələrini müzakirə ediblər. Hər iki dövlət başçısı siyasi iradə nümayiş etdirərək əlaqələrin inkişafında yeni mərhələnin əsasını yaradıblar. Məhz prezidentlərin səyləri nəticəsində İran ilə Azərbaycanın arasında əməkdaşlığa dair 10 sənəd imzalanıb. İran Prezidentinin Bakıya səfəri zamanı möhtəşəm Heydər Əliyev Mərkəzində İranın və Azərbaycanın iş adamlarının iştirakı ilə keçirilən biznes forumda Prezident İlham Əliyevin və Prezident Həsən Ruhaninin çıxışlarını xatırlayan Mahmud Vaizi dedi ki, bu forum iş adamlarının əlaqəli fəaliyyətləri üçün geniş şərait yaradacaq. Narkotik maddələrin qaçaqmalçılığının qarşısının alınması, humanitar sahədə təcrübə mübadiləsi və əməkdaşlığın qurulması haqqında Əli Həsənovun təkliflərini yüksək qiymətləndirən Mahmud Vaizi bu məsələlərin komissiya tərəfindən araşdırılacağını bildirdi. Mahmud Vaizi diqqətə çatdırdı ki, İran Azərbaycanın Naxçıvan Muxtar Respublikasının vəziyyətini başa düşür. Ermənistan-Azərbaycan, Dağlıq Qarabağ münaqişəsi həll olunana qədər rəsmi Tehran Azərbaycan hökumətinin hazırda blokada şəraitində olan Naxçıvan Muxtar Respublikası ilə bağlı bütün xahişlərinə əməl edəcək. Söhbət zamanı, həmçinin ticarət, bank, özəl sektorlar arasındakı əməkdaşlıq əlaqələrinin daha da genişləndirilməsi və qarşılıqlı maraq doğuran digər məsələlər ətrafında geniş fikir mübadiləsi aparıldı.
29 Mart, 2024 / Mətbuat xidmətinin məlumatı Füzuli şəhərinə növbəti köç karvanı yola düşüb
27 Mart, 2024 / Mətbuat xidmətinin məlumatı Növbəti köç karvanı Füzuli şəhərinə çatdı
27 Mart, 2024 / Mətbuat xidmətinin məlumatı Füzuli şəhərinə növbəti köç karvanı yola düşüb
18 Mart, 2024 / Mətbuat xidmətinin məlumatı Nəzakət Teymurova: O torpaqda yenidən yeni həyat qurmaq lazımdır
18 Mart, 2024 / Mətbuat xidmətinin məlumatı Növbəti köç karvanı Füzuli şəhərinə çatdı
18 Mart, 2024 / Mətbuat xidmətinin məlumatı Füzuli şəhərinə növbəti köç karvanı yola düşüb
15 Mart, 2024 / Mətbuat xidmətinin məlumatı Növbəti köç karvanı Füzuli şəhərinə çatdı
15 Mart, 2024 / Mətbuat xidmətinin məlumatı Füzuli şəhərinə növbəti köç karvanı yola düşüb
13 Mart, 2024 / Mətbuat xidmətinin məlumatı Əlaqələndirmə Qərargahının növbəti iclası keçirilib
12 Mart, 2024 / Mətbuat xidmətinin məlumatı Tahir İmanov: İstənilən şəhəri, istənilən kəndi gözəlləşdirən onun doğma sakinləridir
07 Mart, 2024 / Mətbuat xidmətinin məlumatı Firəngiz Mütəllimova: Şuşada böyük məmnuniyyətlə gedib yaşayacam
07 Mart, 2024 / Mətbuat xidmətinin məlumatı Sosial medianın dövlət qurumları üçün əhəmiyyətinə dair təlim keçirilib
28 Fevral, 2024 / Mətbuat xidmətinin məlumatı Növbəti köç karvanı Laçın rayonuna çatıb
28 Fevral, 2024 / Mətbuat xidmətinin məlumatı Laçın rayonuna növbəti köç karvanı yola salınıb
27 Fevral, 2024 / Mətbuat xidmətinin məlumatı Əbədi məskunlaşmanın ünvanı: Qarabağ və Şərqi Zəngəzur
26 Fevral, 2024 / Mətbuat xidmətinin məlumatı Dövlət Komitəsinin kollektivi “Ana harayı” abidəsini ziyarət edib
22 Fevral, 2024 / Mətbuat xidmətinin məlumatı Müvəqqəti yaşayış yerlərindən daimi məskunlaşmaya
19 Fevral, 2024 / Mətbuat xidmətinin məlumatı Emin Musavi: Qonşularımız bizim uşaqlığımızı əlimizdən alıb
13 Fevral, 2024 / Mətbuat xidmətinin məlumatı Ehtiram Hüseynov: “Laçında, oradan çıxdığımız yaşdan, yeni həyata başlayacağıq”
06 Fevral, 2024 / Mətbuat xidmətinin məlumatı Dövlət Komitəsində vətəndaşların növbəti qəbulu keçirilib