Dövlət Komitəsində Milli Qurtuluş Gününə həsr olunmuş tədbir keçirilib 13.6.2018
Dövlət Komitəsində Milli Qurtuluş Gününə həsr olunmuş tədbir keçirilib
Əvvəlcə ulu öndər Heydər Əliyevin büstü önünə gül dəstələri qoyulub.
Milli qurtuluş hərəkatının Azərbaycanın müasir dövlətçilik tarixindəki əhəmiyyətini vurğulayan Dövlət Komitəsinin sədri Rövşən Rzayev ulu öndər Heydər Əliyevin 1993-cü il iyunun 15-də xalqın təkidli tələbi ilə siyasi hakimiyyətə qayıdışının Azərbaycanı xaos və hərc-mərclikdən, parçalanmaq təhlükəsindən, vətəndaş müharibəsindən xilas etdiyini, müstəqil dövlətimizin taleyində dönüş anı olduğunu bildirib. Müdrik və uzaqgörən Ümummilli Lider ölkədə ictimai-siyasi sabitliyin yaradılması, sosial-iqtisadi böhranın aradan qaldırılması üçün qətiyyətli tədbirlər görüb, köklü islahatlar həyata keçirib. Müharibə alovuna bürünmüş Qarabağda atəşkəs rejiminin tətbiq edilməsi Azərbaycana öz maddi və mənəvi resurslarını səfərbər etmək, mövcud problemlərin həlli, o cümlədən işğal edilmiş ərazilərdən didərgin düşmüş həmvətənlərimizin humanitar fəlakətdən qurtarılması istiqamətində zəruri addımlar atmaq imkanı verib.
Qeyd olunub ki, ulu öndər Heydər Əliyevin daim diqqət mərkəzində saxladığı məsələlər arasında qaçqınların və məcburi köçkünlərin problemləri xüsusi yer tutub, həmin problemlərin həlli istiqamətində əməli tədbirlər həyata keçirilib.
Türkiyənin və Avropanın enerji təhlükəsizliyi üçün əvəzedilməz infrastruktur layihəsi olan, mühüm siyasi və iqtisadi əhəmiyyətə malik TANAP qaz kəmərinin Milli Qurtuluş Günü ərəfəsində istifadəyə verilməsi Heydər Əliyevin dövlətçilik ideyalarının növbəti təntənəsi kimi dəyərləndirilib.
Azərbaycandakı möhkəm ictimai-siyasi sabitlik, davamlı inkişaf bütün sahələrdə vüsətli irəliləyişə, o cümlədən qaçqınlar və məcburi köçkünlərlə bağlı məsələlərin həllində ciddi nailiyyətlərin əldə edilməsinə şərait yaradıb. Məcburi köçkünlərin həyat şəraitinin yaxşılaşdırılması məqsədilə mühüm proqramlar icra olunur. Birinci vitse-prezident xanım Mehriban Əliyevanın təşəbbüsü ilə bu sahədə bir sıra layihələr həyata keçirilir.
Sonra Azərbaycan Respublikası Milli Məclisinin deputatı, mədəniyyət komitəsinin sədri, akademik Rəfael Hüseynov geniş məruzə ilə çıxış edib, Milli Qurtuluş Gününün ictimai-siyasi əhəmiyyəti haqqında dəyərli fikir və mülahizələrini bölüşüb.
Tədbirdə Milli Qurtuluş Gününə həsr edilmiş film nümayiş olunub.
 
 
idpsCopyright © 2018
AZƏRBAYCAN RESPUBLİKASI
QAÇQINLARIN VƏ MƏCBURİ KÖÇKÜNLƏRİN
İŞLƏRİ ÜZRƏ DÖVLƏT KOMİTƏSİ
Komitənin ünvanı: Bakı şəhəri, Tbilisi prospekti 129
Tel/fax: (99412) 430 09 21, 430 09 25
Elektron ünvan: info@refugee.gov.az